ليه المحبه - عبد العزيز فهد العصيمي

ليه المحبه صآرت اليوم موضه
كل(ن) يحب وفيه عآشق ومعشوق

معآد تعرف وآضحه من غموضه
شي(ن) يخلي كآمل العقل مطفوق

وبحر الهوى صعبن على اللي يخوضه
ماكل شخصن يحفظ الحب والشوق

والحب هذآ اليوم لعبه وفوضه
صآر الغدر والغش والكذب والبوق

واللي ورد بير المحبه وحوضه
لاشك قلبه من عنا الحب محروق

واللي فقد خله عسى الله يعوضه
يبطي وهو صدره من البعد مشقوق

اشوف برق العشق جذاب نوضه
وآصبحت في درب المحبين مسروق

قلبي مع اللي خدهآ ورد روضه
مآبدله والله مع كل مخلوق

ولاقول ضاع الحب واقفت فروضه
بعض العرب تعرف له اسلوم واحقوق

© 2024 - موقع الشعر