كويت العز - عبد العزيز فهد العصيمي

مع السلامه يا ديآر الموآجيب
ياديرتن فيهآ جميع الحبايب

ياديرتن يطرب لها البال ويطيب
لاجيتها تشفي جروحن عطايب

هاذي كويت العز من غير تكذيب
في ظل ابو ناصر عطيب الضرايب

رجالهم مايلحقه باللقاء عيب
ينطح لحاله بالمواقف كتايب

واكبر دليل القول من غير تغييب
اذكر شهيد القوم يوم الحرايب

مرحوم يافهد المواجيب والطيب
يالله على قبرك تهل السحايب

طيبك لحق بالناس حتى الاجانيب
وشلون لو بذكر جميع القرايب

واليوم في ضل الرجال المعازيب
ساد الامن والوضع بالخير صايب

وهاذي شهاده ماوراه مطاليب
ولاجيت ادور من وراها كسايب

ابديت قافن ماحصل فيه تشييب
ومصخر القيفان نار ولهآيب

لعيون دار الخير واهل التراحيب
يشهد لهم حتى البحر والهبايب

يالله عساها دايمن دون تخريب
ويبقى عدو الدين بالوقت خايب

الشاعر عبد العزيز العصيمي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر