صـرت شاعر

ملّي أشوفه ياعرب صرت شاعر
واللي يحير بخاطري يطلع أبيات

لا شفت مزيون(ن) وبالحسن باهر
آجع خفوقي ومنّه الجفن مابات

أو شفت شي(ن) ينكسر منه خاطر
أسرح بفكري فيه ابكل الأوقات

أفضفض اللي داخلي بالدفاتر
وأكتب قصيدي من أجل أرضي الذات

واغلب قصيدي بالغزل بس طاهر
واكتب قصايد فيها اشكي المعانات

اجلس مع نفسي وبالليل ساهر
اجمع حروف آهات وأجر ونّات

شيّ(ن) بنفسي لاغدا الظرف قاهر
أو ضاق صدري وجّمعت عيني عبرات

عبدالله محمد السحمان