يا ثائرة - حمود التميمي

تطمني ياثائره ياغيوره
تطمني لو صار بالوضع ماصار

دام المبادي واضحة ومخبوره
تبقى الثمار تميز أصناف الأشجار

ومن يمتلك نفس ٍ عزيزة شكورة
أكيد يملك قلب وافي وصبار

والحب فرقه في تباين بحوره
يشبه بحور الماء عميقات وقصار

الشك يجتث الغلاء من جذوره
وقصر الوفاء لا زاره الشك ينهار

ماكل راعي شور ناخذ بشوره
يضيع من يمشي ورى كل الاشوار

الشعر بوح اللي جرحتي شعوره
وكسر الخواطر مالها جبر جبار

كوني على بعض المواقف صبورة
والحكم باستعجال مصدر للأخطار

الغالي اللي غاب أراقب حضوره
أدمح خطأ وأردم غطاء وأدفن أسرار

أنا أتعذر لك وأقول معذورة
ودي نكون كبار في عالم أكبار

© 2023 - موقع الشعر