حي الكلام

بسم اللذي بيده تصاريف الاقدار
الواحد اللي للمخاليق معبود
أبدأ وارتب نسج الافكار واختار
اطيب ثمار الحرف من كل عنقود
حي الكلام اللي كماطيب الازهار
وحي البيوت اللي مصادير وورود
غنابها من جاد فكره ولا احتار
يبني ولا يلحق مبانيه منقود
أنا اشهد أنه من طويلين الاشبار
راعي الوفاء والطيب والعزوالجود
طيب الشجرمن طيب عوده والاثمار
وانته ولد من ذاع طيبه ومشهود
الشاهد الله من حكيمين الاشوار
نبراس حكمه والوفاء ماله احدود
لو غاب يبقاله مع الوقت تذكار
واحساسنا موجود مادمت موجود
لك عندنا لاهنت حشمه ومقدار
ومن لاحشمكم يابيض الوجه مقرود
مالي عن الطيب ليا غبت معذار
بالذات من به ثاقل المتن مشدود
مشهودلك بالطيب يانسل الاخيار
واللي يمد الطيب بالطيب موعود
والختم صلى الله عدد وبل الامطار
واعداد مابالغيم من برق ورعود
على شفيع أمة محمد من النار
محمد الهادي بالافضال مقصود