يابنت - عبدالرحيم الطويرقي

ياشاعرالفهمان غنيت واقنعت
ولا يجي منكم علوم مخله

الكل لاهوجست في حالة الصمت
شرواك يامعتوق بالوقت قله

يابنت هوجستي وانا معك هوجست
شاعريبى يعبرعن اللي حصله

صح الله ألسانك على كل ماشفت
وزن وقوافي والمعاني مطله

معذورياصدرالمحبين لوضقت
طبع الخليل يضيق لوغإب خله

أحيان أقول الله لويرجع الوقت
وقت عليه العين دمع تهله

ذكرى ليا مرت عليه تآلمت
كل المشاعرلاطرة مستحله

ياصاحبي مرت سنيني ولازلت
انت الوحيداللي فؤادي محله

ولآ المكان اللي جمعناأناونت
من شوفته عيني أبد ماتمله

قولوله أني في غيابه تعذبت
وقولوله اني مانسيته لعله

يعرف رفيق القلب لوغاب ماخنت
يكفي علي قلبي من الجوف تله

مجروح بغيابك ولليوم ماطبت
مل الجريح الجرح والجرح مله

غايب وساكن في خيالي ولاغبت
لانك ملكت الروح والشوق كله

ياصاحبي مرت سنيني ولازلت
انت الوحيداللي فؤادي محله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر