خوة نشامى

كب الحزن وانصى المطاليق وارواح
خوة نشاما تنعش القلب والروح

ناخذ على الصمان سجة ومسراح
والا شمال الدار ونداوي جروح

يا صاحبي محدن من الهم مرتاح
وصدور خلق الله معاليقها تفوح

احدن يموت وخاطره شي ما باح
واحدن لسانه عن خوافيه مفضوح

واحدن يصد الدمع ويضيق ما ساح
واحدن يهل الدمع لا ضاق وينوح

من واجه الدنيا يجهز له سلاح
الصبر للمؤمن لقى فيه مصلوح

فل الحجاج واترك الهم ينزاح
واطوى الليالي المعتمه ضحك ومزوح