زينة الدنيا نشامى وفنجال قهوه - عبدالله فهد الشمري

يالله اني طالبك تبعد الليل وغثاه
ماتنام الليل عيني ليا وقت وضحوه

اتحاشى ظلمة الليل والوحده معاه
ان تفرد بي خذابي مع الهم دهوه

اتقارب مسعدت من تراخص مشتراه
مرهين فيها من بهار هيله برهوه

اقبلوا ياهل التعاليل والدعوى تراه
زينة الدنيا نشامى وفنجال قهوه

والمسامر بيننا مايجي رميت حصاه
مانتعرض واحدن مالنا فيه شهوه

ليلنا يسري ونسمر باحاديث الرواه
والحيا وعلوم لينه ورفحاء ورغوه

ومن تعكر له مزاجه فلا نبحث خفاه
لين ياخذ له معانا عن الضيق سهوه

جاك يستانس وباله يحصله فضاه
وبيننا ياخذ عن الحال سجه ولهوه

والجماعه مالنا عن مواصلهم غناه
كل طيب عندنا له من القلب دعوه

© 2023 - موقع الشعر