طيحتي قبل لا طيح - محمد البديني

أحسب لضيق الوقت قبل انشراحه
وأحسب لعوقت طيحتي قبل لاطيح

حكم الزمن ماسقى المعاليق راحه
ماترك تجاريب الليالي مع الريح

ياراسي اللي بارق الشيب لاحه
صغير سن وعذبته المساريح

العمر لحظه بين جد ومزاحه
اماكسبته طيب مارجع على ميح

من ضوضواء فكري اخذت استراحه
لاولعت نيران قلبي مقاديح

الهم لو يسدل بقلبي جناحه
يلقى مع صبر المعنى مرابيح

أكظم لغيضي لو شعوري مساحه
لبيبان صدري قفل ماله مفاتيح

أخاف من كلمة عديم الفصاحه
ولا سفيهً عدها بالتمازيح

أشري رضى نفسي رضى فيه راحه
واسج رجلي عن وجيه المراويح

ابعد عن ديار الحسد والوقاحه
اللي على لحوم الاوادم مشافيح

© 2024 - موقع الشعر