فرق الحبيب

تلوع الضماير لاذكرت الجفا والزين
وانا ويش اسوي كل ما لاعني ذكراه

تعبت احبس الضيقه واخبي دموع العين
ولا لي حدٍ اشكيه واشكي سبب فرقاه

ضميري حداه البين يالعن ابو ذالبين
فراق الحبيب اللي من العام انا وياه

احبه وحال القدر بيني وبينه لين
توارى عن الانظار وابعدت عن دنياه

تقفا مثل سحبٍ تقفت ولا ادري وين
مع الريح اقفت وبلها ماتهاطل ماه

الا ياضميري كل ماصغتلي بيتين
تصاغ المعاني كلبوها لجل طرياه

معانٍ حزينه تقسم القلب إلى نصفين
وقلبٍ صبورٍ كاضم الغيض من بلواه

تثور الضماير لاذكرته بأمرٍ زين
وشوقٍ يقطًع خافقي وده ابلاماه

عليه العيون اتهل وبلٍ على الخديين
وذكرى ترجعني إلى موقفٍ منساه

يوم انه يودعني ويمسك على الكفين
يقول انتهينا والشكاوي ترى لله

ودنق ويبكي وابتعد وانكسر قلبين
صبرنا لكن الصبر ماضنتي نقواه

وصرنا مثل قصة فراقٍ قفته اسنيين
نهاية حبيبٍ حده القدر لين اشقاه

وانا طالبك يالله نرجيك في امرين
تغفر الذنوب وتشفي القلب من بلواه