هآك قلبيّ ..* - محمدالعصيمي

هآك قلبي ..وأحفظه دون الضلوع وخبّه
ولاتسمّع ..في كلام اللي يعذرب فينا

شاعرك وده يسولف / عن غلاه وحبّه
يوم أحاسيسك بحور .. ونبض قلبه مينا

ياهوى البال ..الجريح من الزمان وطبّه
ودي أحكي.. مير ليل (الصيف) مايكفينا

لاتطآول : بالجفا .. يوم (الحنين) منبّه
شد حبل الوصل ..لاترخيه بين إيدينا

أعشقك من بد خلق الله.. بليّا سبّه
يا أُمنيات الحاضر .. اللي مامحى ماضينا

حن باللي خافقه صلف الهوى ..يلعبّه
حآلة العشاق صعبه والزمن .. مشقينا

والله أن العشق للعاشق .. سوآت الغبّه
أرتوي بك وصل .. وطيوف الغلا تضمينا

أقلط بصدري حشيم .. وكل ضلعٍ شبّه
عن سموم القيض .. واللي صآبنا يكفينا

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر