خلص

لـ ، ، في غير مُحدد

أشوف ما قصرت وفيت هرجك
عساك بس راضي يا ابن الحموله
يا فاتني اليوم ضيعت سرجك
ماظن بعده لك زمام وصموله
وفيت ماخليت حقي وحقك
قلت اللي قلته واللي همك وصوله
دق الحديد يفج هل كيف دقكوي
والقلب مايقوى ولا أنت بحوله
شلت الكثير واليوم أقول حدك
ماعاد لي بالصبر زود الحموله
الصبر قدّر يوم ما مات ودك
بين الكلام الليّ سيوفه مهوله
بالحب تنسف حق للحب نسفك
والحكم بالتنفيذ ماظن عدوله
وإن قلت بسك قلت رغم لأنفك
يبدي ضميري من ضميرك ذهوله
صلبت قلبي حق للقلب صلبك
خلّه يقول اليوم الليّ يقوله
قلبي وحبي كذبه بين كذبك
بحر الهوى مسكين بين ضحوله
انا عطيتك حب ضوّيت شمعك
انا حنانك كل ماكنت توله
يوم اتذكر يمكن يهل دمعك
قلبي يحق له كل دمعة خجوله
حزة غضب ماظن علنه تنفعك
اللي اشيله لك أنت تزوله
خلص رصيدك مابقى غير ردعك
انت بغيت الرد جاتك سيوله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر