[ قصاص جُرّه ]

فيني على الدنيا مشاريه وعتاب
حبل الفرح كل مامسكته تجرّه

ياللي تقول الحزن يومين
شفني رجل ماقد لقى مايسرّه

صكت علي دنياي الاهداب
وهذي هي الدنيا ماهي مستقرّه

كل ما أقول الحزن عن فعلته تاب
اذنب وجاني مثل

وهذا حساب العمر ياللي تبي حساب
عمري بدى من يوم صاحبه مرّه

الصاحب اللي صدق
اللي كشف ل اعداي

لامن طروا اسمه على الخد ينساب
دمع الغياب اللي على اسمه ادرّه

وجه السعد مشحوب بعده ومنصاب
وثوب الحزن من فوق متني ازرّه

ياوجد حالي وجد حاكم على الباب
ثاروا عليه الشعب داخل مقرّه

من بعد ثوب العز وانواع الاطياب
صارت حياته طعمها حيل مرّه

ثم انكشف من طيحته زيف الاصحاب
اللي يبون الشر له و المضرّه

ماعاد ينفع به مشاريه وعتاب
من خلف قضبان السجن لاتشرّه

والا وجود اللي توفى وهو شاب
بين اهله واقرابه ومن تقرّه

ابوه يمشي في جنازته ..مرتاب
يذكر وهو شايله يومه يبرّه

والا امه الاسود لها صار جلباب
وعيونها كنها سحابه مدرّه

هذي هي الدنيا من الباب للباب
وعن القدر ياصاح مابه مفرّه

جينا عليها اغرابْ و بنروح اغراب
ويابخت منهو .. يكفي الناس شرّه

قولو لكحيل العين والجرح ماطاب
ماعاد فيني من سبايبه ذرّه

اما يجي ويكون للعيشه اسباب
ولا بموت ان كان موتي يسره