فيصل بن بندر - سليمان السلمي

هلا يامرحبابك ياهلابك يالله تحييه
تشرفنا بحضورك يا امير الجود والتقدير

هلابك يا اميرا مايخيب ظن من يرجيه
اخذ احلى الصفات ولاترك للزير غير الزير

هلا بفيصل ابن بندر هلابه عد مانطريه
وعدد افعاله البيضاء و وقفاته مع اهل الخير

يحق لهالوطن يفخر مدامك انت منه وفيه
ويحق لاهل "القصيم" العز دامك بينهم امير

الا يالله تديم افراحنا وتزيدنا وسفيهنا تهديه
وتعز المملكه يالله وتجعل امرها تيسير

ابو متعب زرع فينا الغلا وبدمنا نسقيه
ومدام انك يابو متعب بخير ابشر ترانا بخير

وطنا والله انا نعشقه ونحبه ونغليه
ولاجل رفعت وطنا ورايته مانستمع للغير

وطنا لو عطونا به كنوز الارض مانعطيه
وطنا به تربينا وشربنا من قراح البير

وطنا لو بغانا حاضرين وكلنا نفديه
ولا نوفي حقوق بلادنا بالشعر والتسطير

هنا مصدر ثقافات العرب ياللي تبي توجيه
ولاننسى تراث اجدادنا مدام له تذكير

هنا كل عام نتذكر زمان الماضي ونحييه
وناخذ مجدنا الحاضر من الماضي وفيه نسير

وختامي يالله تعز البلاد وشأنها تعليه
وسلامتك يا امير الجود واعذرنا على التقصير

© 2024 - موقع الشعر