مدح بالأمير / سلطان بن بندر الفيصل بن عبدالعزيز - نايف العبيد

سلام الله على سلطان ابن بندر عريب الساس
حفيد الفيصل اللي سطّر التاريخ أفعاله

تشرّف حايل بجيّت سموّه بين كل الناس
نجح راليها بجهوده بطل والفوز يعزاله

تجرهد لجل راليها دباديب السهل واطعاس
جاء وشجّع وسلّم كؤوس الفوز لأبطاله

أميرٍ فارس بوصفه يحير الشعر والقرطاس
حفيد الطيب وريث الطيب يطيب الفال من فاله

هلابك يابعد حيي حضرت وجيّتك نبراس
أجاء وسلمى تماريبك سهول البيد وجباله

حضرت وحايل بجيّت سموّك أصبحت أعراس
كأنك ياولد بندر سحايب مزن هطاّله

طموحاتك تروم الغيم وعزمك يتعب القرناس
شباب المملكة تبني عليك اليوم آماله

وانا بشكرك عن دعمك ياراع الطيب والنوماس
نيابه عن صحيفة عين حايل وايضاً رجاله

شكراً سيدي سلطان يقوله شاعرٍ حساّس
يحب اللي مثل شرواك ويضرب فيك أمثاله

ينظم في معاليك الزبرجد والذهب والماس
يشوش الشعر من طاريك وتصبح حالته حاله

يمينك حاتميّة ماتخاف الفقر والإفلاس
تمد وتعطي وتبذل ومنك الناس مهتاله

عسى الله يحفظك ياسيّدي سلطان من كل باس
وتظلّك ياحفيد الفيصل الأيام بظلاله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر