المتعبي

لـ نايف العبيد، ، في غير مُحدد

المتعبي - نايف العبيد

قال من سيّر على ربعٍ كرام
غايته من فيض نبضه يكتبي

يكتب بيوتٍ بداها بالسلام
شاعرٍ لاسمى المعالي يطلبي

جيت لعيالٍ طحاطيحٍ احشام
لوتبا تاصل مداهم تتعبي

جابني شوقي اليهم والهيام
قصدي آشارك وهذا مطلبي

كان شعري مايجّملني حرام
لّعتزل شعري وغيّر مذهبي

تكفى ياشعري نخيتك لاتنام
إرقبي جو المعالي إرقبي

خلّني فوق السحايب والغمام
وخل من يسمع كلامي يطربي

ياوجودي كل ماناح الحمام
وجد شيخٍ صار من من وقته صبي

من هجوسٍ خلّت ضلوعي حطام
كنّها بغداد من قصف أجنبي

الغلا في داخلي شيّد خيام
خلّو العاذل يقول اللي يبي

أشهد ان الكون من بعده ظلام
وأشهد إن اللي يزعّلها غبي

دلّعوها أهلها بسن الفطام
وحين شبّة أصبحت بي تلعبي

إيه أحبّه لنّها رمز الغرام
وادري إن حبّه سبا قلبي سبي

علّموها لاتكابر بالخصام
لاتطيع اهل النمايم تتعبي

واعذابي منك ياريم العدام
واعذابي منك ياعين الظبي

شوفي حالي أصبحت جلد وعظام
وكان يحلالك عذابي عذّبي

أبك طعناتك على صدري وسام
إطعني صدر المعّنا المتعبي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر