عبد العزيز الدميخي - مرزوق بن دحيم العتيبي

الطيب والمعروف كسب المشاكيل
مثل الدميخي يوم تشهد فعوله

عبدالعزيز ولا يبي له تفاصيل
يملك من الامجاد والطيب دوله

حراسها الاخلاق بين الرياجيل
حتى لقى عند الاوادم قبوله

نعم الرجل ماهي سوالف وأقاويل
ونعم المدير اللي يحدد وصوله

كم واحدن يعمل معه ناسي الويل
يمشي ويسرج بالمفاخر خيوله

يرقا النجاح ولا يبي عنه تحويل
وكلن يحبه وده يكون حوله

عقليته للغير مثل القناديل
والمستحيل الصعب يملك حلوله

أسوق لك مدحي سوات الفناجيل
من دلةٍ تنساق لأهل الرجوله

وحنا نفاخر بك معزه وتبجيل
أنته مدير الطيب وانته رسوله

لك الثناء والود قبل المراسيل
أقولها وأهل الرجوله تقوله

© 2022 - موقع الشعر