يـــا بـــحــر

يا بحر جيتك ذكي مدري غبي
لكن إني لا سرى موجك سريت

جيت اشيل الهموم بمنكبي
ونكبة الوقت أنكبتني لين جيت

جوف صدري شي من هدي النبي
دعوتين وقلتها ياليت ليت

ماعرف سر الابي غير الأبي
ولا على مخلوق من عمري شكيت

ليت من قفّا وعنده مطلبي
يدري إني من وصاله ما رويت

غاب وغيابه سبى حالي سبي
وجيت أبا ألحق غايتي مير أنتهيت

وليت حظي ما جلب كل أتعبي
بعد صار الضيق له فالصدر بيت

تسكر الأحداق ودموعي حبي
وأطرد أحلام الزمان ولا لقيت

غير صبحك يابقايا مركبي
والجدار الي بقى من غير بيت

تايه مع الارض مدري ويش ابي
وأنت ياحظي وعدت ولا وفيت