إذا برد النشا طوّل ونثّر كل ورق لغصان
أشرب سايل الدمعه ، ولالي من يدفيني
أشوف الناس تضحك لي ، تداري السر بالكتمان
وآنه جمرة أحزاني ، تحرّق كل فرح فيني
ليصار القلب يتشرّه ، ويتشوق لأعز إنسان
ليصارت غفلة عيونك ، دموع الذنب تسقيني
خذاك الوقت بفراحه ، ونسيتي كل شئ كانوي
وش ذنبي أنا يومٍ غواك الوقت تنسيني
صرت آنه بلا ماضي ، بلا ذكرى ولا عنوان
وصرت في هالعمر غلطه ، مناك أنك تغطيني
عمر لسنين ما وفّت ولا طفّت ضما الولهان
ولا شالت من أشواقي ، أمل بإنك تلاقيني
يظل جرح الزمن يكبر ، وجرح مفارق الخلاّن
من أيام الصغر ما خذ بقايا النور من عيني
أظل أنطر ، وأتوجد ، وأتيه بعالم الحرمان
وأتريّا خبر منك يضوّي عتمة سنيني
أحن لضحكة عيونك ، أحن لنظرة التحنان
وأحن أنك مثل هالناس في صدرك تضميني
تعالي أنشدك يُمّه بحق الواحد الرحمن
تعالى واغسلي همٍ سطابي يوم تجفيني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.