لو تبي ذنب

لـ عبير نجد، ، في غير مُحدد

لو تبي ذنب - عبير نجد

فعلا بخيلة..لو تبي ذنب ما اعطيك
دام الهوى عندك بعكس القوانين

عواطفي ماهيب لعبةٍ باياديك
ولا نظترتي بحدود نظرات غاوين

الحب عندي كان معناه خافيك
ماهو فراشه بين ورد البساتين

أغلى من اللحظه وباقي معانيك
وأصدق من أعذارك وبعض المحبين

لي قلب واحد وانت معاد يمديك
تسكن حنان وانت عايش بقلبين

دوّر على اللي في وجودك تسلّيك
وإن غبت ما خافت ضياع العناوين

تلعب معك تزعّلك مرّه وترضيك
ماهمها صادق وعودك وبعدين

أما أنا بعتك ولايمكن أشريك
صورة وملّت شوفها نظرة العين

قل ما تقول كلمة صدق تغنيك
فعلا بخيلة..وما أتعامل بوجهين

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر