بيتك فؤادي

نفسي تبيك وقالت أيامنا لا
حالتت ظروف الوقت بينك وبيني

في ذمتي إنك على قلبي أغلا
من واحد من قبل أحبك يبيني

مع صوتك الدافي ترى الوقت يحلا
دام الفرح مع همستك يحتريني

غلاك عن كل المحبين يعلا
هو نور عيني وأبتسامة سنيني

القلب عيا عندك يدله ويسلا
معصم غلاك اليوم قيد يديني

لك يا حبيبي داخل الروح نهلا
جنة حنانك أثمرت من حنيني

بيتك فؤادي مره أهلا وسهلا
تبقى حبيبي في حياتي وعيني