القلب بيتك - صلاح أحمد القثمي

أفرح لشوفك حتى لو كنت ضايق
أنت الوحيد إللي ليا شفته ارتاح

وأنت الذي يازين دون الخلايق
أوله عليك إن غبت بدموع ونياح

مقوى فراقك لو للحظه ودقايق
ودي أعيش العمر وياك ياصاح

غيبتك تشعل في خفوقي حرايق
وطلتك عندي كنك سهيل لا لاح

القلب بيتك والحشى لك حدايق
وكن الضلوع العوج حراس ورماح

لك في ضميري الود والشوق سايق
عطر المحبه يارياش العين لك فاح

ياكل كلي كل مافيك رااايق
حتى عتابك بلسم هموم وجراح

لايق عليك الغنج والثقل لايق
ريان عودك والعناقيد تفاح

اهنى بشوفك كان تبغى الحقايق
وان غبت دمع العين ياصاحبي ساح

© 2023 - موقع الشعر