ولهان

ولهان يا سكة سفر .. وديني لدروبه
مشتاق يا ريحة وله .. هّبت لي من صوبه
تدري الهوى مشتاق
وراعي الهوى مشتاق
يا غربة الأشواق ،
من دون محبوبه ..
منك انتظر نجمة أمل ،
تبرق بليل الخوف
منك انتظر نظرة وله ،
تضمني بالشوف
يا أغلى من كل الغلا
يا جرح فيني ما برا
ينبض بوسط اليوف …
مشتاق لك ،
ولو صد قلبي رد لك ،
يا أحلى العيون ،
يا للي على عمري تمون
يا للي إذا خان الصبر ،
يشتاق لك مزن العيون ..
غريبة يا أمل بكره
معاك انته نسيت الأمس
نسيت الهم والعبره …!
وجرحي اللي حملته سنين في يوفي
غريبه بشوفتك يبره ..!
يا أشهى حب
وأحلى شوق
نسنس لي هوى عطره
تعال أرجوك
ما ظلت في عين الحب
من دمع الجفا قطره