حلم ليل

ضمني غلا ، وغَرَّقني في بحر عينك
خلّني أحسّ طعم الغلا ، في راحة إيدينك
غمّض على شوقي ، رجّعني من خوفي
خَلّ الفرح من شوفتك
يمطر على يوفي …
رد الآه والحسرة ،
فِكّ قليبي في أسره
وطوّقني بأوصالك
علمني أموت بشوق ، وأعيش بنشوة وصالك
حقيقة لو وهم يمناك ،
تصافح باقي أيامي
ويسافر بي الوله ويّاك ، ويصحّى غفلة أحلامي
ويأخذني الهوى لعيون ، غفت وياها أوهامي
تشتتني ، تذوبني
تذوقني حلاوة الحب في نظره
تخليّ الشوق لعيونك ،
يفوح بداخلي عطره …
وانادي لك ،
يا حلم الليل رسيني على يدينك
وضمنّي حيل ،
وغرّقني في بحر عينيك