أظلم البيت

غاب القمر يا صاحبي يومٍ قفيت
صبحي غدا من دونكم مثل ليله

وقفت أشوف رحالكم يوم شدّيت
عّيا البخت للعين شوفك يطيله

ليش الزمن خلاك عني تخليت
وانته نزيل الجوف وانته حليله

ولعيونكم كل الأجاويد عافيتوي
مقداركم في القلب محدٍ يشيله

من يومها يا صاحبي أظلم البيت
وأظلم على طيف الليالي الجميلة

من ناظري دمعه على الخد خليت
بفراقكم يالخل روحي عليله

ليتك أخذت القلب ، يومٍ تجافيت
قربك يرد الروح ، يطفي غليله

في غيبتك كل الهقاوي تهقّيت
قلت الوفي ناسي الليال الطويله

وآنه لشوف الزين دوم تحريت
يمكن يجي له يومٍ يذكر خليله

عوده شبيه البدر كل ما تمنيت
يومٍ يشوف الطرف زولك جبيله