آخر رساله - بنت الرويعي

خلاص شلتك من تفاكيري اليوم
وحب ربطنا أمس ، قصّت حباله

لو عشت بعدك ، عيشه أحزان وهموم
يوم وأنسى ، كل ملامح خياله

أنا وقلبي والهوى نرفض السوم
لو خان بي وقتٍ أدور بداله

خلاك قلبي دايم الدوم محشوموي
يومه يعدك في الهوى راسماله

أهديت لك قلب جفا لذّة النوم
تخطًى وصبري زايدٍ في احتماله

جيتك وشوقي داخل القلب مرسوم
قابلت شوقي بالجفا والجهاله

محتار شنهو آخر الهم واللوم
اسأل وقلبي حايرٍ في سؤاله

دربٍ مشيته في الهوى كنت مظلوم
شاري فؤادك راغبٍ في وصاله

ملزوم أبعد وأخفي الحب ملزوم
وآصك باب الحب وأنهي مجاله

خلاص شلتك من تفاكيري اليوم
وهذي ترى في الحب آخر رساله

© 2024 - موقع الشعر