رساله - جمعة بن نايم الكعبي

إلى حضرت جناب اللي نسانا
تحية طيبة لك من جدانا

رسلنالك سلامات كثيرة
ولا رديت بأقوال وبيانا

عساك بخير يا أعز الحبايب
عسى باقي مع الذكرى غلانا

وش اللي غيرك فجأه علينا
كلام الناس ماهو من خطانا

إذا غروك بالقول العواذل
نحن وش ذنبنا هذا جزانا

على فكرة ترانا ما نسينا
ولكن بالصبر نملك هوانا

إذا قصدك تذللنا بودادك
تأكد ما خضعنالك ترانا

نجازي بالمثل منهو يجازي
ونعطي حبنا منهو عطانا

تذكر هالرساله في غيابك
مسير الوقت يتعبك بشقانا

ولو ما شفتنا لابد تذكر
ودمعك يشهد بسالف لقانا

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر