جنون الشعر

قالو تغيب وترجع بكل ما فيك
قلت القصيد ان ما كتبته كتبني

وياهيه ياللي تحسب اني اناجيك
ما انت تراك الا غلاف وعجبني

احيان احطك عاشقٍ لي واغنيك
واحيان اشوفك حس مرهف غلبني

واحيان مدري كيف ووشلوم اجازيك
ولا ادري وش اللي بس يمك جذبني

واحيان ودي بس احقق امانيك
واعرف جنون الشعر ياما هزمني

يعني ترى ما انت سوى بيتٍ ابنيك
ابنيك واهدك الي جيت ببني

لا تحسب اني يوم انا جيت هاويك
ولا تحسب ان الشعر عقبك ظلمني

انت ترى ملهم وغيرك يغطيك
واكبر دليل الشعر عقبك طلبني

وكتبت في غيرك وغيرك يساويك
لا لا تحسب الشعر لجلك كتبني