القدس نادى - عبدالله زايد

مشكي لغير الله ولو عشت محروم
ونفسي ولو ترقى لربي ذليله

النفس ما تلهث ورى رزق مقسوم
والعين ما تجهر رموشٍ ظليله

قرمٍ ولد قرمٍ تناطح به القوم
ناصح طويل اذراع حمله يشيله

دايم يابو صالح عيونه من النوم
تًحرم ولا تهنى جفونه بليله

يسهر بليله يرتجي حق مهضوم
عند اليهود اللي تشب الفتيله

ياليتني ميت ولا عشت مهزوم
ولا شفت بيرقهم وصمتي وسيله

كني عميلٍ والحيا صار معدوم
والقلب ميت ما يحس ابخليله

الشيخ يذبح والطفل مات مزوم
وسط المهد مامعه باليد حيله

وين العدل واحد يناطح له اخصوم
وحّنا غدينا مثل عابر سبيله

ذاك ابحجار وذاك بالنار مدعوم
ما اقول غير الله يسدد حصيله

القدس نادى وانت يا ساتر اللوم
الله غنييٍ عنك لا تلتجيله

خلك مثل بنتك مقدر ومحشوم
واترك رجالٍ للوازم كفيله

الموت ما عنه ويومٍ بعد يومٍ
يقرب ولا يبغى لدربه دليله

انصحك تفزع واترك الذل لرخوم
ولا تفوتك ركعتين النفيله

صلي وجاهد واعرف النصر محسوم
إما لجيلي والا يكتب لجيله

© 2024 - موقع الشعر