لا تجهر المعنى ولا تجهر الناس
ومقرود بيتك منهدم فوق ساسه
ما تجذب اللي كاسب الطيب نوماس
صيدك من اللي يلحقونك دناسه
مادام جبت الحرف للحرف عساس
ببينه باسك وبتشوف باسه
حتى تعرف إنا علي علم والساس
ساس العريب اللي ذرى الذل داسه
يا ناطح المعنى علي كل هوجاس
لا ينطحك حرفٍ يحدلك فاسه
أضحك مع اللي تالي الليل لباس
يضحك لك ومثلك يسليه كاسه
ولا تبتعد عنّه ولو كنت منحاس
ينفعك منهو داريٍ بك نكاسه
من ينطح اهل المعجزه نخ وانداس
ينداس ياللي تطربٍ لك هلاسه
لا تحسب إني حاسب احساب هلاس
هلاس عجزٍ ما حمى اليوم راسه
يلعب علي كيفه اذا جيت والباس
في كيف حرفٍ ذاخرٍ به وناسه
يا مكَّسر المعنى ويا صيد قرناس
من قال لك باهل الدناسه فراسه
بكسيك انا والله من الساس لراس
علمٍ علي معنى يحليك ماسه
وان دق في راسك من الطرق هوجاس
برد انا العب بك واذكرك ساسه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.