لا تعتذر - ماهر الذيابي

لا تعتذر ماهي سوالف معاذير
السالفه اكبر تري لو تداري.

السالفه نجم ٍ هوى داخل البير
سبب سقوطه باختلاف المداري.

بعض البشر يحتاج ذا اليوم تبرير
مدري وش اللي قربه من جداري.

يحفر على جدراني اليوم احافير
ينقش ويكتب حول اسمي وداري.

الله واكبر صار بالوقت تغيير
الطيب من ارضك تري اليوم ساري.

لا تحسبني غادي ٍ عنك ياطير
ادري جناحك وكسرته الذواري.

مير استريح وريح اليوم هالسير
وعرف بان الشعر صار انتحاري.

بعطيك علم ٍ وفهمه دون تفسير
عذرك وطارت به هبوب العصاري.

ماجيت ادور عندك اليوم تعبير
تعبيركم واضح ولا هو قراري.

تشبيه محكم زاده اليوم تصوير
افكار شاعر ماهي خبط وهذاري.

لا تعتذر ماهي سوالف معاذير
السالفه اكبر تري لو تداري.

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر