سواليف الخداع

لـ محمد العيباني، ، في غير مصنف، 957، آخر تحديث

سواليف الخداع - محمد العيباني

من هجوس ملجّم افمي الوحوش من السباع
من على روس الطّوال اللي ذبحت اسباعها

ياسلام الله سلام ٍ للمحنك والشجاع
الثنين اللي طويلٍ بالمراجل باعها

ماتقدمنا لعلم ٍ دون خبره و اطلاع
ولاسعينا لشهرة ٍ تحصل ورا مذياعها

ياخيال الفكر سيرها على فجوج ٍ وساع
وانت من فوق الهبوب إليا بدا ذعذاعها

السريره. دونها بيبان واسوار وقلاع
والسفن فوق البحور الهايجه بشراعها

ليلة البارح مواريها تقل فيها وداع
كان حل اوداعها ماشلت هم اوداعها

ماخضعنا ماسمعنا لمر ماقلنا مطاع
الاوامر لوتجينا. مالقت من طاعها

الزمن ماهو زمنا ذا زمان الانصياع
راح وقت اللي تروم العاليه بذراعها

حل وقت اللي تسوق القافله صوب الضياع
وانت ياللي ابجوّها و ابحرها و ابقاعها

جيت اوزن لك معايير المعاني صاع صاع
الحقيقه ماتخفّى بين ٍ مطلاعها

ما على صدقي غبار ولا على وجهي قناع
الاوادم لوتشابه. تختلف بطباعها

صادق الاحساس اكبر من سواليف الخداع
لاخلا للمبدعين ولاعدم لبداعها

حللوها ياجماعه حسب فهم المستطاع
ان قدرتو حلها قولوا قدرت ابداعها

© 2024 - موقع الشعر