هزيت غصن القصيد - ماهر الذيابي

هزيت غصن القصيد وقامت اغصاني
تعزف على لحن غصنك لين غنيته

نزف الخواطر وغيم الشعر غطاني
والفكر واسع وشاسع كان مديته

بداية النزف جرح ٍبالصدر جاني
له عدة شهور كني صاير ٍبيته

اتعانق اوجاع جرحي كل قيفاني
وتصبغ بلون الوجع موال شليته

حتي زوايا مكاني تعزف الحاني
تطرب على مسمع حروفي لا هذيته

جتني مشاكل وبعض الناس خلاني
كله بسبت كلام ٍفيني حطيته

الله يسامحك دامك تعرف الجاني
والله يبيحك لو إنك صدق بكيته

لانك عزيز ٍعليه والعمر فاني
ولا ترى الود معكم صدق شقيته

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر