رضاك من هالحين احطه شعاري

لـ عبدالرحمن غانم الدوسري، ، في العتب والفراق، آخر تحديث

رضاك من هالحين احطه شعاري - عبدالرحمن غانم الدوسري

عنيت يمكن تقبلين اعتذاري
وقفت لحظة وانظر لعتبة الباب

غلاي أنا آسف غياب اضطراري
ومافيه داعي بيننا حرب الاعصاب

غصبن علي ماكان بُعد اختياري
انتي لك اظروفك وانا عندي اسباب

تدرين أنا اعزك واحبك وشاري
هواك وظني والأمل مابعد خاب

رضاك من هالحين احطه شعاري
ولاّ فغيرك ماحسبنا له حساب

وأنتِ هواي وفيك جل افتخاري
ومن غيرك اقصد فيه واكتب له كتاب

حوريتي : من غيرك ارضي واداري
ومن غيرك أصلا ً قلبي بحبها ذاب

حبِّك بشرياني مع الدم جاري
ولك الغلا في القلب ياعز الاحباب

قسم أحبك دوم ماهي طواري
وحبك بقلبي نابتٍ نبت الاعشاب

شعاع طيفك نور يضوي مساري
وان غاب طيفك اظلمت والسفر غاب

© 2024 - موقع الشعر