ليل وصبح - عبداللطيف العوفي

انا مابلاني غير ريمٍ ذبحني ذبح
نويته ولكن صوّب المرمي الرامي

تعدى وانا واقف/ بنجله شبحني شبح
أجل كيف لو ركّز سهومه على عضامي؟!

يقاوم بسيفه معركه بين ليل وصبح
ولا فكّر بوضعي ولا همه إعدمي

خيول الهوى تركض بدربه وتضبح ضبح
وانا ضاعت علومي وعضّيت بإبهامي

بعد شفت زينه صار زين العذارى قبح
عليه الله أكبر بالحلا واصله السامي

هو آخر طموحي بالهوى ومكسبي والربح
وهو بهجة ايامي وهو غاية احلامي

عذولي لو إنه لامني فيه ينبح نبح
مااطيعه لو إنه برهن الهرج قدّامي

عبداللطيف العوفي
© 2022 - موقع الشعر