تعالي يابعــد حيي - محمد العثمان

تعالي يابعد حيي تعالي ,,, تعالي واجلسي جنبي تعالي
 
 
 
واحكيلي عن الحب الرومنسي ,,, وانا الشقان لاطراف الجدالي
 
 
 
وخلي (شفتك) يقطر عسلها ,,, ويدرج منها والريق حالي
 
 
 
عساني يابعد روحي (قتيلك) ,,, قتيل اللي عيونه رأس مالي
 
 
 
هدب عينك سهام الموت تذبح ,,, ومحاجرها رماح(ن) للقتالي
 
 
 
احبك حب له معنى وقيمه ,,, وفيت بحبنا وان كنت سالي؟
 
 
 
تذكر يوم انا خاطرت لاجلك ,,, مشيت الدرب في ذيك الليالي
 
 
 
مشيت الدرب واجهلت بمصيره ,,, نعم لارضاك يرخص كل غالي
 
 
 
انا حبيت ومن يعشق مثيلك ,,, يضيع بما يشوفه بالجمالي
 
 
 
دخيل الله لاتقسى دخيلك ,,, وانا مرخي مطاليع العيالي
 
 
 
مدام اني بوجهك صرت ذايب ,,, وانا مبطي عضيد(ن) للرجالي
 
 
 
ابي منك ركود بلا عواصف ,,, وانا لك مثل هجرات (الهلالي)
 
 
 
انا باصلك لو ماسقت رجلي ,,, تعنالك على حد (الشمالي)
 
 
 
وانا باصلك لو دونك مخاطر ,,, ابي لقياك يانبع الزلالي
 
 
 
وان جيتك انا بالصبح الاول ,,, اجيب الشوق بايام التوالي
 
 
 
واجيب العيد واول عيد عندك ,,, تعالي يابعد حيي تعالي
© 2024 - موقع الشعر