مرواح جدي

مايركب امواج البحر غير سباح
ومايامن الحيه ويرقد معاها

خليتها لن راحت وردت جراح
مدام ماها ياحمد في سماها

يعني مراح مقاط بقريح لاراح
اصلا وش اللي يستحقه هواها

لاهي بجنة ورد مزروع تفاح
ولاهي بكعبة ربي اللي حماها

مرواح جدي عن عيوني ومرواح
خامل مثل حظي وموته فداها

يابنت انا لوكنت عالم بالارواح
خليتها كذا تجي عا عماها

اما تجين بقلب هايم ومرتاح
ولا المحبه والغلا مانباها

ودعت ليلي وابتدت شمس الاصباح
ترسم خيوطي للظلام وسناها

ماباح سري من عنا الخوف ماباح
لوباح ماشفتوني اشفق علاها

اشفق علاها من تصاويب ورماح
واشفق علاها من حياتي بلاها

وانظم لها بغيابها الف مسباح
وارجم بها جمرات شيطان جاها

جاها وله ماغرده طير صداح
جاها يظن ان النجاه بلقاها

ودعتها والليل مليان بجراح
نفسن تزايد في غيابه عناها

نايف الذويبي