لاعاد ترجي من تعنى لاراضيك * ماللرجاء نظره على ماض الاوقات

اليوم هذا عيد ميلاد طاريك & ماحس بقدومه شعور المسافات
 
 
2 ولاافصح عن أي بلاد ترسي مراسيك & ولاله اجاباتٍ ترد السؤالات
 
 
3 مدري اهنّي فيه والا اواسيك & سؤال حارت به عقول الاجابات
 
 
4 ياعيد لو انك على الكيف مااحييك & عايش بعمري دام باقي بقايات
 
 
5 وان كانها ماعايدتنا لياليك & العذر وينه من وجيه النجاحات
 
 
6 بعض الظروف افراقها من مراجيك & وبعض الظروف افراقها المستحيلات
 
 
7 تغتال يامستقبل العمر امانيك & ظروفٍ تخصصها اغتيال المسرات
 
 
8 ضيم الشعور اسألك ماهي دواعيك ؟ & تبي تشوف العز والا هالابيات
 
 
9 ان كانها بالشعر شعري معاديك & ولاظنتي تبقى معه لو لحظات
 
 
10 وان كانها بالعز فالعز يعطيك & درسٍ اتْعَلّمْ به جميع البدايات
 
 
11 ياورد انا بالله ماكنت شاريك & مابين بستانٍ وما بين باقات
 
 
12 باكر تشوف اشلون جفت سواقيك & وتصير بيدين الرياح العتيات
 
 
13 لاعاد ترجي من تعنّى لاراضيك & ما للرجاء نظره على ماض الاوقات
 
 
14 عز المشاعر ياقصيدي واعزيك & نهاية الدنيا عزا للنهايات
 
 
15 اللي على ذكره تسابق معانيك & حتى احروفك كنها قبْله اموات
 
 
16 اقفت به الدنيا ولاهو حواليك & عدّه من الاموات لو مابعد مات
 
 
17 اللي لغيرك لو تطوله أياديك & ماتاخذه تقدير رب السموات
 
 
18 صحيح شوفه مشغلٍ قلب راعيك & لو كان يقرا الفاتحه والتحيات
 
 
19 نواظره في كل حزه تناديك & انت الوحيد اللي تواسيه بالذات
 
 
20 ومشاعره من وضعها تلتفت فيك & والحر يفنى ماطلب منه نخوات
 
 
21 خذهن على رحب الفضا من محانيك & سجة فضا تسوى من البر سجات
 
 
22 لو ما تعوضك سجتك عن هوى ذيك & ذاك الغزال ابو العيون الوسيعات
 
 
23 اللي على ذكراه تهوى مساريك& عدّه من الاموات لو مابعد مات
 
 
الشاعر / لهيلم زايد المويس