يا ضايقه

يا ضايقه .. صدرك بصدري مكانه
إن ضاق ضاقت في حناياه روحي

يعني ترى روحي بصدرك أمانه
والموت أشوفه كان صدرك ينوحي

جودي على روحي وكوني تكانه
لا تنكتم روحي وتِغدي جروحي

كَوني يشوفك يا عيوني كيانه
والكون أشوفه من عيونك يبوحي

إنتي .. أمل عمري وغالي ضمانه
واوّل حِلِم وآخر مواني طموحي

لا ... وان زعلتي صمّ كوني أذانه
بس .. إضحكي ما دامها بالمزوحي

واكتب لعينك من بيوتي سمانه
هذا الفرج من قبل روحي تروحي