النداء

النداء ما دام في عليا نلبّي
والظروف إما تساوت لك تسوّى

والفدا ينساق والخوه تنبّي
والنوايا تستبيح اللي تنوّى

دام خير الله فالعالم يصبّي
الشدايد وقتها لا جاء يقوّى

وصلني مندوب طيب مستحبّي
من عزيز مسكنه فالقلب جوّى

كيف ما انبّي ونا علمي منبّي
والزلل دربه بعيد وما يروّى

جيت أعلن عن تحياتي وحبّي
للقروم اللي غلاها قد تبوّى

خافق يشهد على ما قال ربّي
ما يخون وما يبور وما تلوّى

ان تركته قال يا جرحي وطبّي
وان نصيته يحترق ويصير ضوّى

يا سلامي عد ما ذعذع وهبّي
هب نود وصوت رعد ووبل نوّى

للرجال اللي تموت وما تغبّي
للكرام اللي تعليها علوّى

سالف معروف ما هو مستخبّي
صيتهم له وقع لكنه يدوّى

جيل يتلى جيل والعليا تربّي
والنوازل كلما حالت تطوّى

والنداء ما دام في عليا نلبّي
والظروف إما تساوت لك تسوّى

والفدا ينساق والخوه تنبي
والنوايا تستبيح اللي تنوّى