كل عذرى لو تجي تاقف امامي - مناحي بن سعد السبيعي

لا تغرك ضحكتي ولا انسجامي
والقصيد اللي تشوفه لا يغرك

العشيق اللي ملك قلبي تمامي
لا تحسبك عارفه ولا يسرك

والله انه عالياً قدر ومقامي
وسط قلبي قلت له هذا مقرك

مايهمك يابدر عمري التمامي
ماحدٍ غيرك يبي ياصل مجرك

انت وحدك ساكنٍ وضعك نظامي
لك اقامه دائمه محدٍ يضرك

ولا حدٍ غيرك ابكتب له غرامي
ولاحدٍ ياصل على البيدا ممرك

كل عذرى لو تجي تاقف امامي
مالها الا نظرتي ولا هي تضرك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر