:: ضيقتك هي ضيقتي::

يا عزّيّز لا يضيق البال وتكثّر عليه
والله اني من اشوفك ضايق تضيق الفيافي

ضيقتك هي ضيقتي من واقع إسلوم(ن) وفيه
اترك الضيقات وافرح خل جرحك ما يشافي

الورود الناعمه لا شك فالملمس طريه
والشجر شامخ وضله ضافياً والفعل ضافي

الشجر معروف صد الريح بعزومن قويه
ما تزعزعه الرياح ولا تحركه السوافي

والخطا وارد من الإنسان دام النار حيه
ادمح الزلات وارقا فوق جرحك بإحترافي

إطوي الصفحة وجدد للمواثيق الشجية
لا تفرح ذيب ضلع ولا حصينياً غدافي

الحصيني في ذراكم عايش سنين مديه
والخطأ منّه مؤكد بالفعول وبالخوافي

لو ضحك سنه تجي منّه مع الأوقات سيه
لا إحترام ولا إتزان هافياً والعرق هافي

والورود الناعمه لا تنجرح منّك خطيه
إحتظنها وإحتويها واعطها الإحساس دافي

والله انه يجرح الوردة من الهرجه شويه
ما يليقبها القسى والجرح يا مال العوافي

وان بغيت العلم مني إترك الحملات ليه
وانسدح وارقد وحلّم لين أجيب العلم وافي

حشمتلك لوردها على جال الركيه
لين ينضج عطرها ويحين مرجود الخرافي

والله ليعذر خوياً جاب هرجّه في خويه
وانت تدريبي على الشدات لي فعلاً خرافي

تمت بيوتي على المعنى مثل صف السرية
وأكيد فاهم بالرموز وما يكن(ن) القوافي