عزة النفس

اليازعلت ازعل واعاندك ماجيك
مااطرد ورى المقفي وقلبي غناوي

واليارضيت وجيت جيتك واراضيك
وقفة رجل ساسه بعيد الهقاوي

لاصرت احبك قدر اشعور مغليك
دون الكرامه مانطيع الهواوي

لاتحسبني برخص النفس واشريك
عيبٍ على مثلي يعود دناوي

كان الغلا لعبه وهاذي مباديك
مالي ومالك ياعيون النداوي

وكان الزعل يرمز بداية تغليك
والله ماهين النفس لاجل العزاوي

ان قلت احبك ياهوى النفس وابيك
هاذي حقيقة خافقي والمناوي

اخذ الغلا وانهل من الحب بيديك
وانا على صدق المشاعر رجاوي

تلقى الوفا عندي وابادلك واعطيك
كل الحنان ولذته للمهاوي

وان عودة في عزة النفس مابيك
خذها صراحة مبعدين الهقاوي