شدّني بابداعه

مرحباً اعداد ماهل البدر مطلاعه
بخو يا ي والتحايا ريحها عطريه

لك بقلبي ياالغلا ويالنقا واشعاعه
كل حب وكل ود وهامتك مرعيه

هاضني بعض اخوياي وشدّني بابداعه
والمشاعر دايماً بقلوبنا مكسيه

ياهمامي يامراسيل الهوى واتباعه
انقلوها وابعثوها بالوصل محميه

(يانديم الليل) مني لك سلام وداعه
واستلم يا ناصر القزلان ذا البرقيه

الهواوي خافقه ما يملكه لو طاعه
داله بيومه وليله تركبه جنيّه

يسرح بذود الخيال وما معه فزَّاعه
غير شوقه والتوجد موتته حتميه

ان شكى بيّح سدوده وانكشف مصراعه
وان كتمها مات علّه (سكتةٍ قلبيه)

يانديمي ظبي ريمي إختلف بطباعه
مادريت احسبْه صافي بالصفا والنيه

للأسف لوما يعدّل غلطته واوضاعه
إنسحابي من هواه بادره حتميه

والنهايه والبدايه ريحة النعناعه
في اليباس بعد مده تفقد العطريه