بظني الفراق اصعب قرار بيوم قررته

بشكك عيش وتهنّى ما دامك ناوي تخسرني
أخذت الدرس واستبشر بحفظ ما تعلمته

زهقت من الزعل وانته بكل لحظه تزعلني
ولو مخطيت إتجيني وخطاك علي ركّبته

ليه تشب نيراني وليه تحب تقهرني
ليه تزيدني حرّه بسكوت ٍ ما تفهّمته

ليه ان شفتني رآيق بأسلوبك تكدرني
ليه إن شفتني ضآيق بصدري الضيق بعثرته

ليه ان قآل لك خدّي ترآه الدمع بللني
تركت الدمع يتحدّر ولا بالكف مسحّته

ليه تجرّني دآيم إلى الذكرى وتذكّرني
بكل ما فات بايامي وانا عفته وقاطعته

ليه ان جيت أشتآقك . / وابي ريحك يعطّرني
يموت الورد ما شفته ولا بالشوق عانقته

حسبت الطيب في قلبك غمر قلبي وجاورني
ومِنْك الشِّيب محتل الشَعَرْ ما يوم عازمته

هقيت الحب علّمك بدفا الأحضان تغمرني
تزيح الهم من قلبي لو ابلحظات صآدفته

تزيح الحزن لو شفته حضن قلبي وتملّكني
وتِشْهِر أقوى إحسآسك بوجهه ولجْلي قآتلته

بس اللي رضآ قلبه يزعلني ويضيقني
أكيد يصيبني باللي جهلته وما توقعته

تعب منّك فؤآدي وانت كل لحظه تشآكلني
بسبب والا عذر جبته لعين زعلك صوّرته

وانا ماظن بي طآقه آتحمّل واتّحملني
والصدق الزعل أسوأ شعور بيوم واجهته

فظني وانْ تحمّلتك فؤآدي ما يتحملّني
وظني هالفرآق أصعب قرآر بيوم قررته

ف / لَجِلْ ما كان يجمعنا يا روح الروح إذكرني
بخير ولا عليْ تدعي إذا طآريّ لاحظته

أنا ( احبّك ) وانا ( اموت بترآبك ) حييييييييل لكنّي
( تعبت ) وخآلقي يدري بكثر اللي تحمّلته