حقو ق أنسان

وين أنت عني قول وين أنت واجيك
مااستحمل الفرقا ولوهي ثواني
 
ماتت زهورالحب في يد مغليك
ومات الكلام العذب بين المحاني
 
كنك سرابٍ ضامي الكبد يرجيك
وكنك غروب الشمس يومه طواني
 
لاتدفنيني من شقا العمر بيديك
لا تجهلين أنسان كله أماني
 
بفتح شبابيك الغلا والرجاء فيك
ياليت نسناسك يعطر مكاني
 
معطيك كلي غير كلي وش أعطيك
الاأنت كل العمر والعمر فاني
 
تدري على طول العمر وين مخفيك
بين الضلوع أتعيش جنة حناني
 
أحفظ حقوق أنسان مبطي يناديك
لاتصير في درب الغلااليوم جاني
 
وذا زعلت أقول يارب يهديك
وأستسمحك وقول تكفى عشاني
 
وتقول من بعد البطا روح مابيك
خلك يتيم الحب جرب تعاني
 
وأطوف الزله وقلبي يداريك
ماني وحيدٍ منجرح في زماني
 
ماكل زله جت من أحباب تشقيك
لن المحبه فوق وصف اللساني
 
وأن كانها الحاجه تجيبك وتنهيك
ياليت لك حاجه ترجعك ثاني