مرثية - رحل راشد

تناثر دمع حرفي من هجوسي عالورق محزون
ضلوعي ترعد الآهات ، ثغري يزفر إعصاره

سيوف الوقت تطعنّي بحد أقدارها الْمسنون
رحل راشد ولد عيسى سليل المجد وانْواره

رحل بعْد الفرح بالعيد صار الصدر به مغبون
وذا مشوار هالدّنيا وكلّن يمشي مشواره

حضن طهر التّراب ، او إنّ طهره يحضنه هالكون !
يغيب بْ عين أحبابه ، ويبقى صدرنا داره

يجف البحْر من حرّةْ وفاته والشّعب يسقون
شعب وافي من دْموعه يفيض البحر وانهاره

إلهي ألهم اهله صبر ٍ وْ سلوان ٍ وْ كل عون
إلهي عالم الغيب و خفايا الصّدْر واسراره

طلبتك يا إله الكون سحْبٍ ممتلي امزون
من الرّحمة على قبره ، عسى بالجنّه مقداره