وينك ، تعال ، إقرب

يسأل خفوقي عن مكانك يا غلا
بُعدك هدم كلّ الصّروح بْداخله

وين الوفى وين الوَعَد وين الوَلا ؟
يا كود كنّي أسْمعك تَوْ قايله

شوف الْفَرَحْ وَدّع شفاتي وانْجلا
شوف الْحِزِنْ في وسْط جوفي ياكله

شوف الرّجا منْ ونِّتي كم اعتلى
ما غير يكْفخ في نزولهْ سائله

يا كيف حبْنا بعْد وعْدك ابْتَلا ؟
صابه مَرَض فرْقاك يا شكْواي له

منْ بَعْد هجْرك : غيم عيني امْتلا
جرّح خدودي بالدّموع الْهامله

ورْد الحدايقْ والرّبيع اتْحَوَّلا
و عمّ الْجفاف وْ حَرّ وَقْت الْقايله

ياللي ملكْت مْن الْحلا كلّ الْحلا
إحيي فؤادي دام بُعْدكْ قاتله

غايةْ مناي انّكْ تردّ بْ : يا هلا
لى جيت لكْ وأشْواق قلبي مايله

الرّيح تمْحي كلّ خطْوه بالخلا
والقُرْب يمْحي هميّ اللي شايله