غابت الشمس - بدر العيباني

غابت الشمس واظلم كل من حولنا
وبتداء ليلي اللي مع غيابك يزيد

راح نص العمر والعزم هم أنثنا
وين شمسك أمانه!ماشرقت من جديد

غبت مدري علامك والضحيه أنا
يعني ماتدري أنك جايب ٍ في عيد!!

أطردك ياغرام ٍ مالي عنك غنا
وأنت تقتل مشاعر من وريد لوريد

ماكسبنا وراك الا دروب العنا
لا لمحنا النهايه نبتدي من جديد

حتى.. كف الأماني قص من بيننا
قلي وشلون أصفق مامعي غيرأيد

كل همي أعيش العمر... لحظة هنا
تكفى حس بغلاتك هذا بيت القصيد

لو تكرم تقدر عمر ي اللي فنا
ودي أبل كبدي لو بشي ٍ زهيد

لكن الحب دمعه ونزلت من هنا
واحد اللي يعاني واحد اللي سعيد

كثر الله خيرك وأستوت عندنا
سو ماتشتهي وافعل معي ماتريد

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر