عــــزاااه .. - محمد بن لافي المقاطي

عزاه ياقلب ٍ غدا داخله شوق
ماهو بوقته لكن الشوق ياتي

وش حيلتي لاصرت ميت ومسروق
وشهي سواتي دامني دوم أحاتي

الله على إلي مقصده دايم ٍ فوق
والله يخليني لأجل طيب ذاتي

من عادني طفل ٍ وأنا دوم مطفوق
هرج السعه مايجتمع مع مناتي

أرقى بفكري وأنشد بكل طاروق
هذا مصيري بالحياة وغناتي

ذرب ولطيف ولا بعد .. قمة الذوق
قولي هلا لبيه أمر حياتي

مخلوق لكن غير عن كل مخلوق
ماهو تكبر بس أبيّن غلاتي

درب ٍ مشيته ماعلي فيه لاحوق
من طيب راسي ضاع مني ثباتي

وين أنت يإلي بشوفتك قلت ملحوق
طوّل غيابك ليتك اليوم تاتي

في غيبتك قلبي معذب ومحروق
من حر مافيني شكيت ب .. صلاتي

فيك الذرابه والحلآ طيب منطوق
يا كيف أبنسى أوصاف راحت وجاتي

ضاعت عناويني بقا فيني العوق
لأحدن سألني سعودي قلت إيماراتي

© 2024 - موقع الشعر